شباب صبايا ختيار وولد واللي قاعد لورا اه انت شايفتك القصة هيك انا عندي كم مدونة وفتت ع اكتر من 200 مدونة والصراحة اني انصدمت من عدد المجاريح لكبير وعدد العشاق الاكبر وعدد غريبي الاطوار الاكتر اشي قررت اعمل اشي مختلف حلمي ما راح يتحقق وهو كتابة سكتشات لبرنامج تلفزيوني فعشان هيك بدي احول مدونتي لبرنامجي الخاص يعني راح اكتب السكتشات اللي كاتبتهن كل اسبوع سكتش واحد وانتو الجمهور (تحملو ما حدا قلكم تعملو مدونات) رايحين تقروا هين شكتشات ومقاطع من مسرحيات صور مضحكة بس معبرة ومواقف غير شكل بتمنالكم رحلة بتزيح لهموم

Saturday, February 3, 2007

بيبي سيتر

المكان : بيت
الوقت: ساعات العصر
بين فتاة بعمر ال16 وامرأة بعمر ال26
(طق طق طق طق (وكمان طق عشان الحبايب
المرأة بتفتح الباب: اهلا حبيبتي عنجد شكرا الك اللي جيتي بهالسرعة وانا اسفة جدا ع الازعاج
الفتاة : لا ولا يهمك هاد شغلي
المرأة: شوفي يا قلبي البيبي اطعمته ونام يعني ما راح يصحى من شي ساعة او ساعتين
يعني ما في شي تعملي بس اذا بفيق اعطي اللهاية
عكل حال انا تركتلك ارقام التلفونات الضرورية على هاي الورقة
الشرطة الاطفاء الاسعاف
اي شي بصير
اتصلي فيهم,هزة ارضية هزة جوية هزة تحت ارضية
, انهيار ثلوج,انهيار جبال , انهيار حكومة اي شي انتي اتصلي فيهم
وكمان تركتلك رقمي الجوال , اتصلي في اذا بتحتاجي اي شي
انا ما راح طول
نازلة كب الزبالة وراجعة

Monday, January 29, 2007

عيد زواج

عندي الكم سوأل
كيف زوج بحتفل بعيد زواجو التاني؟
انا عندي فكرة
بس حابة اعرف رايكم

Saturday, January 27, 2007

ما راضي يطلب

المكان: مطعم
الوقت : ليل
صديقتين بحكو مع بعض بس المعرفة بينهن مش من زمان
صديقة(1): بتحكي ع( التلفون ): اوكي ماشي بشوفك بعدين باي
اوووووف زهقت منو مش معقول !!!
صديقة (2): شو صاير؟
صديقة (1) : شو صاير؟ اللي صاير اني بستنى وبستنى وبستنى وهو ما راضي يقدم
صديقة (2) : خلص ما تضغطي ع حالك قديش الكم مع بعض؟
صديقة (1) : 4 سنين
صديقة(2) : 4 سنين وما عرض عليكي الزوج؟
صديقة(1) : شو زواج؟
قصدك طلاق

انتي مطرودة

المكان : غرفة الاجتماع بشركة
الوقت : ساعات العصر
مدير الشركة ,مساعد مديرالشركة,موظفتين وموظف
مدير الشركة: انا واثق انكم كلكم عارفين الوضع السيئ جدا اللي موجودة فيه شركتنا بهاي الفترة واضطرينا انو يصير بعض التغيير
وهاي التغييرات راح يحكيلكم عنها مساعدي , تفضل
مساعد المدير : اوكي احنا رجعنا ع ملفاتكم الشخصية اللي قدمتولنا اياها اول ما قدمتو طلب للعمل بالشركة عشان هيك : احمد انت كتبت انو عندك ذاكرة تصويرية جيدة جدا عشان هيك انت راح تقوم بشغل ماكنة التصوير من اليوم طالع اي ورقة بدها تصوير لازم تمرق عند احمد , هديل انتي ذكرتي انو عندك شهادة عليا بموضوع الاتصال عشان هيك انتي راح تقومي بشغل الانتركوم معناه انو مطلوب منك تكوني موجودة الصبح قبل الكل
المدير: رشا انتي ذكرتي بملفك امرأة قوية و انو عندك قدرة لمواجهة الازمات عشان هيك انا بتمنالك النجاح بحياتك بالمستقبل انتي مطرودة
مرحبا بالجميع
جدا سعيدة بحضوركم اليوم لافتتاح مدونتي
الصراحة لما حكيت لاصحابي عن اليوم وقلتلهم اني حابة اكتب خطاب اول ما افتح المدونة
وانا عندي رهبة جمهور قالولي تخيلي اللي بقروا بالبلوغ بملابسهم الداخلية!!
خليني قول انها نصيحتهم مش كتير مساعدتني
ع كل حال اسمحولي اني اتخيل انو بهاي اللحظة موجودين بالموقع تاعي اكتر من 30 شخص
ما حسبت اللي من الصين
احكولي رايكم وانبسطو وستمتعوا
وبليييز بكفي بكي !!!
اضحكوا عايشينها مرة وحدة
اختكم " اسم مؤقت"

اهلا وسهلا فيكم

Friday, January 26, 2007

myspace layouts, myspace codes, glitter graphics

myspace layouts, myspace codes, glitter graphics

وين كل هدول بروحو؟؟؟

Thursday, January 25, 2007

طلب زواج

المكان :جالسين بجانب طاولة مطعم
الوقت : ساعات الليل
الاب الام الابنة صديقها وصديق العائلة
.......يتكلمون.......يقاطعهم صديق الابنة
صديق الابنة: بس حابب احكي كم كلمة
انتو بتعرفو اني انا وبنتكم النا سنة مع بعض وبتعرفو قديش بحبها
عشان هيك,(بيمسك ايد الابنة ويحكي معها) حبيبتي انتي بتعرفي قديش انا بحبك وبموت فيكي
وبفكر انو اجا والوقت ......
" احممممم"
(الام بتطلع صوت عشان ما تخليه يكمل)
صديق الابنة: شو؟ عملت شي غلط؟
الام: لا بس المفروض انك تطلب الاول من ابوها.
صديق الابنة : اه انا اسف جدا , عمي هل تقبل الزواج مني؟

انتحار

المكان :عمارة بالشارع
الوقت :ساعات الضهر
شرطي , طبيبة نفسية, شخص يريد الانتحار
الشرطي (ببرودة) :لا تقفز ,لا تقفز
الحياة حلوة ,اعيد واكرر الحياة حلوة
الطبيبة النفسية: لو سمحت اعطيني اكلمه
الشرطي : هنا الطبيبة النفسية مستعد تكلمها؟
المنتحر: اه بكلمها
الشرطي لفرقة الانقاذ : هاتو الكرسي!



انت متبنى

المكان:غرفة الضيوف
الوقت:ساعات الليل
شخصيات : الاب الابن الام
الاب:حبيبي انا وماما بدنا نحكي معك بموضوع مهم
صار عمرك 30 سنة لازم تعرف الحقيقة
والحقيقة هي انك ابنا بالتبنيظ
الابن: شو؟ شووووو؟ شو بتحكو؟؟؟
الام (بصوت عالي):شو شوووو؟ شو شووووو؟
ليه مستغرب؟؟؟؟ مش ملاحظ انك اكبر مني بسنتين؟؟؟؟

مساعدة

المكان : الشارع
الوقت : العصر
بين: فتاة حلوة بعمر ال25 بتطلب مساعدة من امرأة بجيل ال30
"مرحبا, ممكن تساعديني؟"
"طبعا تفضلي"
"كيف بقدر اوصل لشارع الزيتون؟"
"اه اوكي , مش كثير بعيد من هون , انا ساكنة بنفس الشارع,
شوفي بضلك ماشية صحيح, الدخلة الثانية عاليمين,
وبعدها اول دخلة عشمال ,هناك شارع الزيتون, اي عمارة بدك؟"
(بتطلع عالورقة اللي معها)
"مممممم عمارة 6"
"بجد؟ انا ساكنة بعمارة 6,بتلاقيها 3 عمارة عجهة اليمين للشارع, اي طابق؟"
"الطابق ال4"
"بجد؟؟؟؟ لا لا لا ,انا ساكنة بالطابق ال4 اي شقة؟"
"شقة رقم 2"
"بجد؟ انا ساكنة بالشقة رقم 2 بتكون الشقة اللي ع اليمين, اي غرفة؟"
"غرفة النوم طبعا"
"اوكي شوفي اول ما تفتحي الباب عندك الصالون بضلك ماشية فيه ع الاخر ,الغرفة اللي عالشمال هي غرفة النوم , اذا بتحتاجي اي مساعدة زوجي هناك اطلبي منه "